كلمتين محشورين في زوري عن الكونفجات و التطبيقات اللي فيها كونفحات جاهزة

من الاخر خدها قاعدة

IF you arent paying for the product YOU ARE THE PRODUCT🦫🦫

كل مواقع ال vpn اللي بنستخدمها و التطبيقات المجانية مش ملائكة بيدونا سيرفس مجانية و في حجات كتيرة اوي لازم تحطها في بالك قبل ما تستخدم اي كونفج او اي تطبيق كونفجات او اي تطبيق vpn مجاني و هي :

​1. بياناتك هي المقابل (Data Monetization)

​سجلات التصفح (Logs): المواقع والتطبيقات دي بتسجل أنت زرت إيه، وساعة كام، وقعدت قد إيه، و ممكن تكون بتبيع البيانات دي لشركات إعلانات وتحليل بيانات

​الـ IP الحقيقي وموقعك: البيانات الجغرافية بتاعتك ممكن بردو تكوم بتتباع ضمن استهداف إعلاني

​2. بيع الـ Bandwidth بتاعك (Peer-to-Peer Networks)

​بعض التطبيقات والخدمات المجانية بتسحب من سرعة النت والـ IP بتاعك وتخليه "Node" أو نقطة عبور لمستخدمين تانيين حول العالم.

​الخطورة: لو مستخدم تاني عمل حركة غير قانونية وهو متصل عبر الـ IP بتاعك، أنت اللي بتظهر في المخطط.

​3. ثغرات الـ DNS والـ IP Leaks

​معظم التطبيقات المجانية بتغير عنوان الـ IP ظاهرياً فقط، لكن طلبات الـ DNS (أنت بتدور على إيه) بتتسرب لشركة النت أو لجهات ثانية من غير ما تحس.

🟥ف نصيحة لوجه الله و اتبعها بعد اذنك🟥

1.احصر الخدمات المجانية أو الكونفيجات للأنشطة العادية (تصفح عام، ألعاب، استهلاك داتا غير حساسة).

2.​البنوك، الشراء أونلاين، الحسابات الرسمية، والحجات الشخصية المهمة ممنوع نهائياً تفتحها وأنت متصل بكونفيج أو VPN مجاني مجهول.

​3.تفعيل DoH (DNS over HTTPS) عشان تحمي طلبات التصفح من عيون السيرفر المجاني